Қысқаша өмірбаяны

Доктор Видерман Семей қаласының мемлекеттік медицина университетін үздік бітірді. Анестезиология және қарқынды терапия (Ұлттық медициналық холдинг / республикалық жедел медициналық көмек ғылыми-зерттеу орталығы, Астана, Қазақстан) бойынша интернатураны (2009-2010 жж.) және резидентураны (2010-2013 жж.) сәтті тәмамдады. Өз резидентурасы кезінде нейроанестезиология және нейрореаниматология, кардиохирургия мен реанимациядағы анестезиология, трансплантация, сондай-ақ ауырсыну синдромдарын және басқаларын емдеуде үлкен тәжірибе алды.

Ол Асан медициналық орталығында (Оңтүстік Корея, Сеулдегі бауыр, бүйрек, ұйқы безінің трансплантациясы бағдарламасындағы анестезиология және жіті ауырсыну терапиясы) және Shadyside UPMC (АҚШ) ауруханасында анестезиология және интервенциялық жансыздандыру бөлімінде біліктілікті арттыру курсынан өтті. Ол сондай-ақ анестезиологиядағы Еуропалық білім беру комитеті өткізетін бірнеше оқу курстарынан өтті.

Кәсіби тәжірибе:

2010 жылдан бастап қазіргі уақытқа дейін – Онкология және трансплантология ұлттық зерттеу орталығы (анестезиология және реанимация бөлімшесі, штаттық дәрігер)

2012-2013 жж.- Қан құю ғылыми орталығы (Лектор)

2013 жылдан бастап қазіргі уақытқа дейін – Нейрохирургия ұлттық зерттеу орталығы (нейроанестезиология және реанимация бөлімшесі – штаттық дәрігер)

2014 жылдан бастап қазіргі уақытқа дейін – Назарбаев университетінің Медицина мектебі, биомедицина ғылымдары кафедрасының нұсқаушысы